Avval xabar berganimizdek, ayni paytda Prezident raisligida eksport, investisiya va mahalliy sanoatda 2024 yilda turgan vazifalar bo`yicha yig`ilish bo`lib o`tmoqda.
Tadbirda Xorijiy investisiyalarni jalb etish agentligi ham faqat forumlar o`tkazish bilan cheklanib qolgani tanqid qilindi.
Agentlikning tumanlar kesimida investision xaritasi ham yo`q.
Agentlik rahbari M.Mirzaevni egallab turgan lavozimidan ozod etishga ko`rsatma berildi.
Bosh vazir o`rinbosari J.Xodjaevga har bir hudud va tarmoqdagi o`tgan yilgi qoloqliklarni hisobga olgan holda yangilangan investisiya dasturini kiritish topshirildi.
Investisiya vazirining 3 ta o`rinbosari xorijiy investisiya ko`p talab qiladigan tarmoqlarga, sog`liqni saqlash va transport sohalariga investisiya jalb qilish uchun mas`ul etib biriktirildi.
Yig`ilishda kompleks rahbariyati, tarmoq va hududlar rahbarlari 38 milliard dollarlik, bunga qo`shimcha Energetika vazirligi 15 milliard dollar investisiya jalb qilish bo`yicha rejalarini bayon qildi.
