Bugun, 20 yanvar Bokuda bo`lib o`tgan qonli voqealarga 34 yil to`ldi.
Ma`lumot uchun, 1990 yil 20 yanvarda Armanistonning agressiv harakatlariga va uning hududiy da`volariga va sobiq SSSR rahbariyatining homiyligiga qarshi xalq ommasining keng ko`lamli qo`zg`olonlarini bostirish uchun Sovet armiyasi bo`linmalarining Bokuga kirishi fojiaga olib keldi. Aynan shu kun Ozarbayjon mustaqilligi va hududiy yaxlitligi uchun kurashda qahramonlik sahifasi sifatida tarixga kirdi.
1990 yil 19 yanvardan 20 yanvarga o`tar kechasi Ozarbayjonning boshqa viloyatlari qatori Boku shahriga ham joylashtirilgan harbiy qismlarda 147 nafar tinch aholi halok bo`ldi, 744 nafar begunoh fuqaro tan jarohati oldi, ularning ko`pchiligi nogiron bo`lib qoldi, 841 kishi noqonuniy hibsga olindi.
O`sha fojiali kunlarda xalqning ko`rsatgan jasorati pirovardida Ozarbayjonni mustaqillikka olib keldi. O`sha qonli voqealardan o`ttiz yildan ko`proq vaqt o`tgan bo`lsa-da, Ozarbayjon xalqi o`sha mudhish kechani abadiy eslaydi. Bu fojia Ozarbayjon xalqi xotirasida Milliy qayg`u kuni sifatida abadiylashtirildi. Har yili 20 yanvar kuni erta tongdan Shahidlar xiyoboni(1990 yil 20 yanvar voqealari qurbonlari va Qorabog` urushida halok bo`lganlar dafn etilgan joy)ga o`n minglab odamlar dushmanlarga qarshi urushda o`z e`tiqodi, vatani, sha`ni, oilasi uchun kurashda halok bo`lganlar xotirasiga hurmat bajo keltirish uchun to`planadi.
