Qo`shma Shtatlarda g`ayritabiiy sovuq va yomon ob-havo tufayli 91 kishi halok bo`ldi
AQShda g`ayritabiiy sovuq, qor yog`ishi va kuchli shamollar oqibatida kamida 91 kishi halok bo`ldi, deb xabar berdi CBS News.
Ma`lum qilinishicha, Tennessi shtatida 25 kishi, Oregonda esa 16 kishi halok bo`ldi, ulardan uchtasi daraxtning mashina ustiga qulashi oqibatida jarohat oldi. Og`ir ob-havo sharoiti tufayli o`lim holatlari Illinoys, Pensilvaniya, Missisipi, Vashington, Kentukki, Viskonsin, Nyu-York va Nyu-Jersi shtatlarida ham qayd etilgan.
13—14 yanvar kunlari Kanadadan kelayotgan sovuq arktik havo tufayli AQShda havo harorati rekord darajaga tushib ketdi - me`yordan 11-16 daraja past.
Chikagoda havo harorati minus 34 darajaga tushib, butun shtatdagi maktablarni yopishga majbur qildi. Montana shtatida termometr minus 40 darajaga tushib ketdi, Milliy ob-havo xizmati mintaqada minus 56 daraja sovuq bo`lishi mumkinligi haqida ogohlantirdi.
CBS News xabariga ko`ra, Oregon shtatining G`arbiy sohilida 45 mingdan ortiq abonentni elektrsiz qoldirgan muz bo`roni tufayli favqulodda holat e`lon qilingan. Pensilvaniya, Kaliforniya, Nyu-Meksiko va Indiana shtatlarida ham elektr energiyasi bilan bog`liq muammolar qayd etilgan.
Telekanal ma`lumotlariga ko`ra, 22—28 yanvar kunlari haftaning o`rtalarida Amerika shtatlarida havo isishi kutilmoqda.
