Rossiya muxolifati etakchisi Aleksey Navalniy qamoqxonada vafot etdi.
Rossiya muxolifati etakchisi Aleksey Navalniy qamoqxonada vafot etdi. Bu haqda Yamalo-Nenesk avtonom okrugi Jazoni ijro etish federal boshqarmasi xabar qildi.
Ma`lum qilinishicha, Navalniy sayrdan keyin o`zini yomon his qilib, hushini yo`qotgan. Unga ko`rsatilgan birinchi yordam samara bermagan.
"2024 yil 16 fevral kuni 3-sonli axloq tuzatish koloniyasida mahkum Navalniy A.A. o`zini yomon his qildi, darhol hushini yo`qotdi. Zudlik bilan muassasa tibbiyot xodimlari etib keldi va tez tibbiy yordam brigadasi chaqirildi.
Ko`rsatilgan jonlantirish amaliyoti ijobiy samara bermadi, tez yordam vrachlari mahbusning o`limini qayd etdi», — deydi Jazoni ijro etish federal xizmati.
Siyosatchi o`limi haqidagi xabardan ko`p o`tmay uning o`limiga tromb ko`chishi sabab bo`lgani haqida ekspertiza xulosasi ham e`lon qilindi.
Ma`lumot uchun, Aleksey Navalniy Rossiya prezidenti Vladimir Putinning eng ashaddiy tanqidchilaridan biri hisoblanardi. U 2018 yil mart oyida bo`lib o`tgan Rossiya prezidenti saylovlarida ishtirok etish niyatini e`lon qilgandi. Ammo, sudlangani sabab saylovda qatnasholmagan.
Navalniy 2023 yil 4 avgustda ekstremistik jamiyatni yaratish, ekstremistik faoliyatni moliyalashtirish va internetda ekstremizmga chaqirishda ayblanib, 19 yilga qamalgandi.
