16 fevral kuni Germaniya kansleri Olaf Shols va Ukraina prezidenti Vladimir Zelenskiy Berlinda Germaniya Kievga taqdim etishga tayyor bo`lgan xavfsizlik kafolatlari to`g`risidagi kelishuvni imzoladi.
Ukraina rahbari Germaniyaga Myunxen xavfsizlik konferensiyasida ishtirok etish uchun kelgan.
Bu haqda Germaniya kansleri ijtimoiy tarmoqdagi xabarida aytiladi.
"Bugun biz xavfsizlik bo`yicha uzoq muddatli majburiyatlarimiz to`g`risida shartnoma imzoladik - bu tarixiy qadam", deb yozadi Shols.
Siyosatchiga ko`ra, Germaniya Rossiya bilan urush sharoitida Ukrainani qo`llab-quvvatlashda davom etadi.
Ukraina prezidenti Evropaga safari doirasida Germaniyani kuzatib Fransiyaga boradi va u erda fransuz hamkasbi Emmanuel Makron bilan muzokaralar o`tkazadi. Zelenskiy Parij bilan xavfsizlik kafolatlari bo`yicha xuddi shunday shartnoma imzolashi kutilmoqda.
