Tvitterning sobiq rahbarlari Ilon Maskni 128 million dollardan ortiq pul undirish maqsadida sudga berishdi. Bu haqda Reuters agentligi xabar bermoqda.
Unda aytilishicha, Ilon Maskka da`vogarlar ro`yxatida Tvitterning to`rt nafar sobiq top-menejerlari, jumladan, sobiq bosh direktor Parag Agraval, sobiq moliya direktori Ned Segal, sobiq bosh maslahatchi Shon Edgett, va sobiq bosh huquqshunos Vijaya Gadde bor.
San-Fransiskodagi federal sudga berilgan da`voga milliarder 2022-yil oktyabr oyida ijtimoiy tarmoqni 44 milliard dollarga sotib olib, keyinchalik uning nomini X deb o`zgartirganidan so`ng duch kelgan bir qator huquqiy muammolar sabab qilib ko`rsatilgan. Aniqrog`i, Mask ijtimoiy tarmoqni sotib olgandan keyin sobiq rahbarlarni ishdan bo`shatgan, ammo ularga ishdan bo`shatilganlik uchun nafaqa to`lamaganlikda ayblanmoqda.
"Mask da`vogarlarga ishdan bo`shatilganlik uchun nafaqa to`lashni xohlamasligiga qaror qilganligi sababli, u ularni shunchaki sababsiz ishdan bo`shatdi, so`ng soxta sabablar uydirdi va qarorini tasdiqlash uchun turli kompaniyalari xodimlarini tayinladi", deyiladi da`vo arizasida.
Bunga qarshi Ilon Mask ham ishdan bo`shatilgan rahbarlarga pul to`lashi shart emasligini da`vo qildi. Unda aytilishicha, har bir da`vogar "qo`pol beparvolik" va "qasddan noto`g`ri xatti-harakatlar" sodir etganligini da`vo qilgan, ammo buni tasdiqlovchi biron bir faktni keltirmagan
Agentlikka ko`ra, hozirda Mask va X bu ish bo`yicha jamoatchilikka hech qanday izoh bermagan. Maskning qonuniy vakili, advokat Aleks Spiro ham izoh so`rovini darhol qaytarmagan
