Balujiston viloyatidagi ko`mir konida portlash yuz berdi, oqibatda 12 kishi halok bo`ldi. Bu haqida Zamon.uz xabar bermoqda.
Portlash bir kun avval shaxtada metan to`planishi natijasida sodir bo`lgan. Qoyatosh qulaganda 20 nafar konchi er ostida qolib ketgan.
Chorshanba kuni ertalab konda qutqaruv operasiyasi yakunlandi. Sakkiz nafar konchi qutqarilib, kasalxonaga yotqizilgan.
Eslatib o`tamiz, avvalroq Venesuelada ochiq shaxtaning qulashi oqibatida kamida 15 kishi halok bo`lgani xabar qilingandi. Karerda oltin noqonuniy qazib olingan.