Qashqadaryodagi alkagol mahsulotlari ishlab chiqarayotgan yashirin sex faoliyatiga chek qo`yildi. Bu haqda viloyat IIB xabar berdi.
Qashqadaryo viloyat ichki ishlar boshqarmasi Tezkor qidiruv xizmati Jinoyat qidiruv boshqarmasi korrupsiya va iqtisodiy jinoyatlarga qarshi kurashish bo`limi xodimlari tomonidan o`tkazilgan tezkor tadbirda noqonuniy alkagol mahsulotlarini ishlab chiqarayotgan yashirin sex faoliyatiga chek qo`yilgan.
Shahrisabz tumanining “Istiqbol” mahallasidagi xonadonlardan birida Shahrisabz shahrida yashovchi fuqarolar Q.Sh, R.J, J.S, J.I, S.I va R. Jlar noqonuniy ravishda qo`lbola aroq ishlab chiqarish maqsadida yashirin sex tashkil qilgani aniqlanib, o`tkazilgan tezkor tadbir davomida fosh etilgan.
Yashirin sexdan 34 dona 20 litr sig`imdagi idishga solingan jami 680 litr spirt, turli hajm va nomdagi aroq mahsuloti, aksiz markalar, “Q-kod” yorliqlari, shisha qopqoqlari, tarozi, shisha qopqog`ini maxkamlash uchun mo`ljallangan stanok, blok yasash uchun stanok, sana qo`yish uchun muxr, gaz balon - jami 535.428.000 so`mlik mahsulotlar ashyoviy dalil sifatida hujjatlashtirib olingan.
Mazkur holat yuzasidan ichki ishlar organlari tomonidan tergovga qadar tekshiruv harakatlari olib borilmoqda.
