Koreya Respublikasi Prezidenti Yun Sok Yolning mamlakatimizga davlat tashrifi doirasida Toshkent shahrida 14 iyun kuni O`zbekiston - Koreya biznes forumi o`tkaziladi. Bu haqda Bosh vazir matbuot kotibi xabar qildi.
Mazkur forumda ishtirok etish uchun ayni paytda mamlakatimizda bo`lib turgan Koreyaning bir qator etakchi kompaniyalari rahbarlarini 13 iyun kuni O`zbekiston Respublikasi Bosh vaziri Abdulla Aripov qabul qildi.
Xususan, Koreya Eksimbanki prezidenti Yun Xi Son bilan ikki tomonlama uchrashuvda transport, “yashil” energetika va mineral resurslar, ta`lim, tibbiyot va boshqa yo`nalishda hamkorlikni kengaytirish yuzasidan istiqbolli loyihalar ko`rib chiqildi.
