Yaponiya bosh vaziri Fumio Kisida sentyabr oyida iste’foga chiqishini ma’lum qildi. Bu haqda vazirning 14 avgust kuni chiqargan bayonotiga aytiladi, deya xabar bermoqda zamon.uz.
Ma’lumotlarga ko‘ra, Yaponiyada so‘nggi paytlarda Kisida faoliyati bilan bog‘liq siyosiy janjallar kuchayib ketgan. So‘nggi uch yildagi yuqori inflatsiya va iqtisodiy muammolarga qarshi kurashishda mamlakat rahbariyatida iroda yetishmasligi mamlakat aholisi tomonidan ko‘plab namoyishlar tashkil etilishiga olib kelgan.
Bosh vazirni vazifasini tark etishga olib kelgan asosiy masala bu narxlar oshishi bo‘lgan. So‘nggi 6 oyda yashash xarajatlari, oziq-ovqat va kommunal to‘lovlar qiymati noodatiy tarzda oshib ketgan. Hukumatning tezkor iqtisodiy qarorlari narxlar siyosatiga amalda hech qanday ta’sir eta olmagan.
“Siyosat jamoatchilik ishonchisiz ishlamaydi. Menga bo‘lgan ishonch qolmagan ekan davom etishimdan ham ma’no yo‘q. Endilikda men faoliyatimni yangi saylangan LDP (Liberal-demokratik partiya) rahbarini qo‘llab-quvvatlashga qarataman”, degan Fumio Kisida o‘z iste’fosiga munosabat bildirib.