10-14 sentyabr kunlari Qozog‘iston va O‘zbekiston Harbiy-havo kuchlari harbiy xizmatchilari hamda havo hujumidan mudofaa mutaxassislari ishtirokida “Ashiq Aspan-2024” xalqaro tezkor-taktik qo‘mondonlik-shtab o‘quv mashg‘ulotlari bo‘lib o‘tmoqda.
Mashg‘ulotlar do‘st mamlakatlar harbiy qo‘mondonlik va boshqaruv organlarining hamjihatligini oshirish, havo hujumidan mudofaa kuchlari va vositalaridan birgalikda foydalanish masalalarini ishlab chiqish, jangovar vazifani bajarishning alohida holatlarida qo‘mondonlarga harbiy qismlarni boshqarish bo‘yicha amaliy ko‘nikmalar berishdan iborat, deyiladi Qozog‘iston tomonidan tarqatilgan xabarda.
Unda frontdagi vertolyotlar, armiya va harbiy transport samolyotlari, shuningdek, havo hujumidan mudofaa kuchlarining kuchlari va vositalari ishtirok etmoqda. Mashg‘ulotlar davomida havo kuchlari uchuvchilari Qirg‘iziston va Tojikiston havo kengliklarida parvoz qilmoqda.
– Bunday mashg‘ulotlarni muntazam ravishda o‘tkazib turamiz. Ular do‘st mamlakatlar harbiy xizmatchilariga havo hujumidan mudofaa missiyalarini birgalikda bajarish, jangovar ekipajlarni muvofiqlashtirish bo‘yicha amaliy tajriba orttirish, shuningdek, mamlakatlarimiz mudofaa qobiliyatini oshirish imkonini bermoqda, – dedi Qozog‘iston Respublikasi Qurolli Kuchlari Havo hujumidan mudofaa kuchlari Bosh qo‘mondoni, aviatsiya general-leytenanti D.Kosanov.
Mashg‘ulotning o‘ziga xos jihati davlat chegarasi yoki chegara qoidalari buzilgan taqdirda Havo hujumidan mudofaa qo‘shinlarining jangovar ekipajlari bilan qo‘shni davlatlar (Qirg‘iziston, Tojikiston va O‘zbekiston) qo‘mondonlik punktlari va nazorat punktlarining o‘zaro hamkorligi tartibini ishlab chiqish bo‘ldi.
