Qashqadaryoda elektr energiyasidan noqonuniy foydalanib, 2 mlrd so‘mdan ortiq zarar yetkazgan tibbiyot muassasasi aniqlandi. Bu haqda “O‘zenergoinspeksiya” xabar berdi.
Qayd etilishicha, Qashqadaryo viloyatining Qarshi shahrida joylashgan Respublika ixtisoslashtirilgan Ona va bola salomatligi markazi Qashqadaryo viloyati filialida 4 dona chiller sovutish tizimini (quvvati 612.6 kVt) elektr tarmoqlariga to‘g‘ridan to‘g‘ri ulanganligi ma’lum bo‘ldi.
Mazkur qoidabuzarlik oqibatida dastlabki hisob-kitoblarga ko‘ra, elektr ta’minoti korxonasi manfaatiga 2 mlrd 182 mln so‘mlik elektr energiyasidan noqonuniy foydalanganligi aniqlangan.
"Ushbu holat yuzasidan tegishli hujjatlar rasmiylashtirilib, huquqni muhofaza qiluvchi organlarga yuborildi",- deyiladi xabarda.
