Turkiyadagi bo‘limi Anqaradagi portlash va otishma haqida xabar tarqatdi. Bu haqda SNN xabar berdi.
Euronews ma’lumotiga ko‘ra, terrorchilar TUSAŞ aviakosmik kompaniyasining ishlab chiqarish obyektiga bostirib kirgan. "Bizga bu terrorchilik akti ekani va o‘z joylarimizni tark etmasligimiz kerakligini aytishdi", — deya manbaning so‘zlarini keltirgan telekanal.
Kahramankazan hududida terakt ro‘y berganini Turkiya IIV rahbari Ali Yerliqoya ham tasdiqlagan. U terakt oqibatida qurbonlar va yaralanganlar borligini bildirgan, ammo ularning soni qanchaligi — noma’lum.
Ayrim manbalarga ko‘ra, kamida ikki kishi halok bo‘lgan.
Ayni vaqtda hududda otishma davom etmoqda, voqea joyida politsiya bo‘linmasi harakatlanmoqda.
Ijtimoiy tarmoqlarda tarqalgan videoga ko‘ra, jinoyatchilar binoga kirish joyiga taksida yetib kelgan, shundan keyin portlash ro‘y berib, otishma boshlangan.
