Toshkent viloyatida 16 ta bojxona posti mavjud bo‘lib, 2024 yil davomida jami
13,4 trln. so‘mlik bojxona to‘lovlari hisoblanib, shundan tadbirkorlarni qo‘llab-quvvatlash maqsadida bojxona to‘lovlaridan 6,4 trln. so‘m imtiyozlar berildi, qolgan 7 trln. so‘m davlat budjetiga o‘tkazilishiga erishildi. Bu haqda Toshkent viloyati bojxona boshqarmasi matbuot xizmati xabar qildi.
Shuningdek, 2024 yil mobaynida 2 mlrd AQSH dollaridan ortiq bo‘lgan tovarlar xorijiy mamlakatlar bozorlariga yo‘naltirildi. Tovarlar eksport qilingan asosiy hamkor davlatlar Qozog‘iston, Xitoy, Rossiya,Turkiya, Afg‘oniston, Belgiya hamda Pokiston davlatlari bo‘lgan.
Eksport qilingan asosiy tovarlar: Metallar va ulardan tayerlangan buyumlar, meva va sabzovot, transport va uning ehtiyot qisimlari, kalava ip, oziq-ovqat mahsulotlari hamda to‘qimachilik maxsulotlari, hisobiga to‘g‘ri kelmoqda.
Bojxona postlarida 2024 yil davomida jami 143 023 ta bojxona yuk deklaratsiyalari rasmiylashtirildi.
Bojxona yuk deklaratsiyalarini Xavfni boshqarish axborot tizimi bo‘yicha yo‘laklar kesimida tahlil qiladigan bo‘lsak, deklaratsiyalarning 29% “yashil yo‘lak”, 55%“sariq yo‘lak”, 17% “qizil yo‘lak” tartibida rasmiylashtirilgan.
Bundan tashqari, Boshqarma tomonidan huquqni muhofaza qiluvchi boshqa organlar bilan hamkorlikda giyohvand vositalarining noqonuniy muomalasiga qarshi kurash yo‘nalishida 78 ta holatda 75,8 kg giyohvandlik vositalarining noqonuniy aylanmasiga chek qo‘yildi.
Tovar-moddiy boyliklarning noqonuniy aylanmasiga qarshi kurashish yo‘nalishida esa 69 mlrd 484 mln so‘mga teng tovarlar o‘shlab qolindi.
Davlat Aksiz markasi bilan markalanmagan 63 ta holatda qiymati 1,9 mlrd so‘mlik jami 69 593 quti tamaki mahsulotlari, 5,9 mlrd sifati kafolatlanmagan dori vositalarining noqonuniy aylanmasiga chek qo‘yildi.
Aniqlangan huquqbuzarlik holatlarida bo‘yicha 31,9 mlrd. so‘m qo‘shimcha bojxona to‘lovlari hisoblandi.
