Xitoy rasmiylari TikTok ilovasining AQSHdagi faoliyati taqiqlanishi ehtimoliga qarshi chora sifatida uning AQSHdagi bo‘linmasini Ilon Maskka sotish imkoniyatini ko‘rib chiqmoqda. Bu haqda Bloomberg agentligi xabar berdi.
Ma’lumotlarga ko‘ra, Pekin TikTok'ning ByteDance kompaniyasi tasarrufida qolishini afzal ko‘radi. Biroq, AQSH Oliy sudi 19 yanvargacha TikTok'ning faoliyatini to‘xtatish yoki uning sotilishini talab qiluvchi qonunni qo‘llab-quvvatlashi mumkin. Bu holatda, Xitoy rasmiylari Ilon Maskning X (sobiq Twitter) platformasi orqali TikTok'ning AQSHdagi faoliyatini nazorat qilishni muhokama qilmoqda.
TikTok vakili bu xabarlarni "g‘irt uydirma gap " deb atadi. Shu bilan birga, Donald Trampning prezidentlikka saylangani munosabati bilan, u 20 yanvarda lavozimga kirishganidan so‘ng, bu masalani siyosiy yo‘l bilan hal qilish uchun Oliy suddan taqiqni kechiktirishni so‘radi.
Ta’kidlash kerak, TikTok'ning AQSHda 170 milliondan ortiq foydalanuvchisi mavjud bo‘lib, uning AQSHdagi bo‘linmasi qiymati 40-50 milliard dollarga baholanadi.
Abdulloh Sayyid
