"Milliy tiklanish" partiyasi rahbari Alisher Qodirov O‘zbekistonda barcha tashqi yozuvlar, e’lonlar va ko‘rsatmalar o‘zbek tilida bo‘lishi shartligini qayd etdi.
Faqat zarur hollarda ular boshqa tillarda ham takrorlanishi mumkin.
"Eng muhim milliy qadriyat bo‘lgan o‘zbek tiliga bo‘lgan munosabatimiz tubdan o‘zgarishi kerak. Birinchi navbatda, tadbirkorlar, mulkdorlar va davlat boshqaruvi organlari o‘zbek tiliga hurmat ko‘rsatib, qonunga rioya qilishda namuna bo‘lishi kerak. Jamiyat bu masalada prinsipial bo‘lishi kerak," — deydi A.Qodirov.
