Pentagon noqonuniy immigratsiyani nazorat qilish uchun Meksika chegarasiga 10 ming askar yuboradi. Bu haqda The Washington Post gazetasi xabar bermoqda.
AQSH Mudofaa vazirligiga ko‘ra, dastlab harakatlar chegaraga kamida 1500 quruqlik qo‘shinini jo‘natish va u yerda shu kunga qadar joylashtirilgan 2500 askarni qo‘shishni o‘z ichiga oladi.
Pentagondagi brifingda yuqori martabali amaldorlardan biri bu raqam 10 mingga yetkazilishi mumkinligini qo‘shimcha qilgan. Bu Trampning birinchi prezidentlik muddati (2017-2021) davridagidan ko‘proq bo‘lib, o‘shanda chegaradagi qo‘shinlar soni 2018 yilga kelib 8000 nafarga yetgan. Jo Bayden (2021-2025 yillar) davrida esa bu son 2500 nafarga qisqartirilgan edi.
