Rossiya Davlat Dumasining “Adolatli Rossiya – haqiqat uchun” fraksiyasi deputatlari migrantlarning pul o‘tkazmalariga davlat boji joriy etishni taklif etuvchi qonun loyihasi ustida ish olib bormoqda. Bu haqda partiya rahbari Sergey Mironov ma’lum qilgan.
"Migrantlarning pul o‘tkazmalari uchun davlat bojini joriy qilish kerak... Agar biz 3 foizlik boj joriy qilsak, g‘aznaga faqat ikki davlat – Qirg‘iziston va O‘zbekistonning o‘tkazmalari o‘zidan 45 milliard rubldan ortiq mablag‘ tushadi. Nahotki, bizga shu miqdordagi pul kerak bo‘lmasa?! Biz qonunchilik tashabbusini tayyorlab, uni Davlat Dumasiga taqdim etamiz”, — deb yozadi deputat o‘zining Telegram kanalidagi sahifasida.
