Ukraina prezidenti Vladimir Zelenskiy CBS News telekanaliga bergan intervyusida Ukrainadagi urush jahon miqyosidagi to‘qnashuvga aylanishi mumkinligini aytdi va Uchinchi jahon urushi xavfi mavjudligini ta’kidladi.
«Agar biz qat’iy turmasak, u (Rossiya prezidenti Putin) yana olg‘a yuradi. Bu beasos taxminlar emas, balki haqiqiy tahdiddir. Putinning so‘nggi maqsadi — Rossiya imperiyasini tiklash va hozirda NATO himoyasidagi hududlarni qaytarib olish. Shuning uchun ham bu urush jahon urushiga aylanishi mumkin, deb hisoblayman», — dedi Zelenskiy.
Bundan tashqari, u AQSHning «neytral pozitsiya»ni egallashi noto‘g‘ri ekanini ta’kidladi:
«Prezident Tramp, kuchli rahbar sifatida, Ukraina tomonida bo‘lishi kerak», — dedi Zelenskiy. Shuningdek, u Trampni Ukrainaga taklif qilib, u Rossiya hujumining oqibatlarini o‘z ko‘zi bilan ko‘rishi lozimligini qo‘shimcha qildi.
Abdulloh Sayyid
