Украина президенти Владимир Зеленский CBS News телеканалига берган интервьюсида Украинадаги уруш жаҳон миқёсидаги тўқнашувга айланиши мумкинлигини айтди ва Учинчи жаҳон уруши хавфи мавжудлигини таъкидлади.
«Агар биз қатъий турмасак, у (Россия президенти Путин) яна олға юради. Бу беасос тахминлар эмас, балки ҳақиқий таҳдиддир. Путиннинг сўнгги мақсади — Россия империясини тиклаш ва ҳозирда НАТО ҳимоясидаги ҳудудларни қайтариб олиш. Шунинг учун ҳам бу уруш жаҳон урушига айланиши мумкин, деб ҳисоблайман», — деди Зеленский.
Бундан ташқари, у АҚШнинг «нейтрал позиция»ни эгаллаши нотўғри эканини таъкидлади:
«Президент Трамп, кучли раҳбар сифатида, Украина томонида бўлиши керак», — деди Зеленский. Шунингдек, у Трампни Украинага таклиф қилиб, у Россия ҳужумининг оқибатларини ўз кўзи билан кўриши лозимлигини қўшимча қилди.
Абдуллоҳ Саййид
