Joriy yilning 14 aprel kuni Rossiya Federatsiyasining Astraxan viloyatida ikkita yengil avtomobil to‘qnashuvi oqibatida ikki nafar O‘zbekiston fuqarosi halok bo‘ldi, ularning 11 yoshli o‘g‘li shifoxonaga yotqizildi.
Bola yengil tan jarohati olgan. Tibbiy yordam ko‘rsatilib, salomatligi tiklangach, uni O‘zbekistonga qaytarish va yaqin qarindoshlari qaramog‘iga topshirish jarayoni boshlangan.
Biroq bolaning vaqtinchalik vasiyligini rasmiylashtirgan qarindoshlari bolani Rossiyadan olib chiqish uchun hujjatlar yetishmasligi muammosiga duch kelishdi.
Ushbu jarayonda O‘zbekiston Ichki ishlar vazirligi, ikki davlat Bosh konsulxonasi va Bolalar ombudsmanlarining ishtiroki bilan zarur hujjatlar rasmiylashtirilib, bola sog‘-salomat O‘zbekistonga qaytarildi. Bola onasining xolasi qaramog‘iga o‘tkazilgan.
