Kanada bosh vaziri Mark Karni mamlakati Yevropa Ittifoqining “Readiness-2030” dasturiga 1-iyulgacha qo‘shilishi mumkinligini ma’lum qildi. Uning so‘zlariga ko‘ra, Kanada harbiy xarajatlarning katta qismini AQShga yo‘naltirayotgani — strategik jihatdan noto‘g‘ri qaror.
AQSh sobiq prezidenti Donald Tramp esa Kanada bilan “Golden Dome” (“Oltin gumbaz”) havo mudofaasi tizimiga qo‘shilish bo‘yicha muzokaralar olib borilayotganini bildirdi. Trampning fikricha, agar Kanada AQShning “51-shtati”ga aylansa, bu tizimga bepul qo‘shilishi mumkin.
Ayni paytda Kanada mudofaa uchun YaIMning 1,37 foizini ajratmoqda. Bu Yevropa Ittifoqi belgilagan 2 foizlik mezondan past. Karni esa xarajatlar oshishini muqarrar, ammo Kanadaning manfaatlarini inobatga olgan holda amalga oshirilishini ta’kidladi.
