Bugun, 4 avgust kuni soat 03:02 da Surxondaryo viloyati, Sho‘rchi tumani, Bobotog‘ mahalla fuqarolar yig‘ini hududida joylashgan uch qavatli savdo markazida yong‘in sodir bo‘lgan.
Olov muassasaning birinchi va ikkinchi qavatlarini qamrab olgan.
Hodisa haqidagi xabar Surxondaryo viloyati Favqulodda vaziyatlar boshqarmasiga kelib tushganidan so‘ng, soat 03:15 da yong‘in-qutqaruv ekipajlari voqea joyiga etib borgan.
Tezkor harakatlar natijasida yong‘in soat 05:10 da o‘rab olingan va uzoq kurashdan so‘ng, soat 07:30 da to‘liq bartaraf etilgan.
Yong‘inni so‘ndirish ishlariga jami 10 ta yong‘in-qutqaruv ekipaji va 2 ta suv tashuvchi texnika jalb etilgan. Hozirgacha olovdan tan jarohati olganlar yoki halok bo‘lganlar haqida ma’lumot qayd etilmadi.
Hodisa yuzasidan tegishli tashkilotlar tomonidan o‘rganish ishlari olib borilmoqda. Yong‘in keltirib chiqargan ehtimoliy sabablar aniqlnmoqda.
