Ilon Mask Apple va OpenAI'ni raqobatni buzishda ayblab sudga berdi. Ularning ta'kidlashicha, ChatGPT'ning iPhone'ga integratsiya qilinish qarori raqobatga to'siq bo‘lmogda.
Ilon Maskning X va xAI kompaniyalari Texas federal sudiga Apple va OpenAI (ChatGPT yaratuvchisi)ga qarshi da'vo arizasi bilan murojaat qilib, ularni sun'iy intellekt (SI) sohasidagi raqobatga to‘sqinlik qilish maqsadida til birlashtirganlikda aybladi, deb yozmoqda BBC News.
Ma'lum qilinishicha, Apple va OpenAI «o‘z monopoliyalarini saqlab qolish hamda X va xAI kabi innovatorlarga raqobatchi bo‘lish imkonini bermaslik uchun bozorlarni egallab olgan.
Apple OpenAI bilan hamkorlikda ChatGPT'ni iPhone, iPad va Mac operatsion tizimlariga integratsiya qildi. Maskning kompaniyalari bu raqobat to‘g‘risidagi qonunni buzadi deb hisoblamoqda va milliardlab dollarlik zararni qoplashni talab qilmogda.
«OpenAI bilan maxsus kelishuvi bo‘lmaganida, Apple X va Grok ilovalarini o‘zining App Store'ida ko‘zga ko‘proq tashlanadigan joylarga joylashtirmasligiga hech qanday sabab bo‘lmas edi», — deya ta'kidlanadi da'vo arizasida.
Bu kelishuv, da'vo arizasida aytilishicha, ChatGPT ilovasiga App Store'da ustunlik bergan, «uning yuklanishini generativ sun'iy intellektga asoslangan boshqa chat-botlarga nisbatan oshirgan». Bu, Mask kompaniyalarining fikricha, OpenAI va Apple'ga «monopoliyalarini saqlab qolishga» yordam berdi.
OpenAI da'vo «Maskning doimiy ta'qib qilish amaliyotiga mos kelishini» ta'kidladi. Apple da'voga izoh bermadi.
2024 yilda Mask Altmanni OpenAI'ni tijoratlashtirishda ayblab, sudga da'vo arizasi bilan murojaat qilgan va kompaniyaning tijorat tuzilmasiga aylanishini taqiqlashni so‘ragan.
2025 yil fevral oyida Mask boshchiligidagi investorlar konsortsiumi Open AI'ni nazorat qiluvchi notijorat tashkilotini sotib olish uchun 97,4 milliard dollar taklif qilgandi. Altman rad javobini bergan.
Ikkala tomon ham 2026 yil bahorida hakamlar hay’ati ishtirokida sud jarayonini boshlishi kerak.
