Endi Oʻzbekistonda ham ismni mashinaga raqam qilib qoʻysa boʻladi. Bu haqda Hukumat qarori (562-son, 04.09.2025) qabul qilindi.
2026 yil 1 yanvardan boshlab "Uzavtomotobelgi" davlat unitar korxonasiga aholining talab va taklifidan kelib chiqqan holda avtomototransport vositalari uchun oltitagacha harf va (yoki) raqamlar kombinatsiyasidan iborat boʻlgan "noyob" davlat raqami belgilarini ochiq kim oshdi elektron savdolarini oʻtkazish orqali berish huquqi berildi.
Bunda "noyob" davlat raqami belgilari amaldagi davlat raqami belgilarini takrorlamasligi, qonunchilikka va axloqiy normalarga xilof maʼnoga ega boʻlmasligi kerak.
Masalan, endi koʻchalarda "SARVAR", "AZIZA", "ODIL" yoki "BUXORO" deb yozilgan raqamli mashinalarni koʻrishimiz mumkin.
