Surxondaryo viloyati Sho‘rchi tumanida Damas nosozlik sabab bir necha piyodani urib ketdi. Viloyat YHXB holat yuzasidan ma’lumot berdi.
Unga ko‘ra, holat 22-sentabr kuni soat 14:00 larda Sho‘rchi tumani “Navro‘z” mahallasi hududidan o‘tuvchi 4K 592 avtomobil yo‘lining 2-kilometrida sodir bo‘lgan. 1998 yilda tug‘ilgan haydovchi Damasda harakat vaqtida rul boshqaruv qurilmasida nosozlik yuzaga kelgan.
Oqibatda qarama-qarshi bo‘lakka chiqib ketib, yo‘lni tartibga solinmagan piyodalar o‘tish joyidan kesib o‘tayotgan 3 nafar piyodani turtib yuborgan. Oqibatda piyodalar olgan tan jarohatlari sababli tuman tibbiyot birlashmasiga etkazilgan.
Hozirda holat yuzasidan Sho‘rchi tumani IIB tomonidan yo‘l-transport hodisasi oqibatida olgan tan jarohatining og‘irlik darajasini, hamda transport vositasining texnik holatini aniklash maqsadida sudga oid tibbiy va texnik ekspertiza tayinlanib, tergovga qadar surishtiruv harakatlari olib borilmoqda.
