AQSh prezidenti Donald Trump Ukraynadagi urushni tugatish uchun Vladimir Zelenskiy va Vladimir Putin uchrashishi kerak, degan fikridan qaytmagan. Trump Ukraina va Rossiya yetakchilari birgalikda tinchlik uchun kurashishi lozim deb hisoblaydi.
Amerika yetakchisining fikricha, urushni tugatishga kuchli pozitsiyada turibgina erishish mumkin. U Rossiya qirg'oqlariga bitta yoki ikkita suvosti kemasi joylashtirishni buyurganini ta'kidlab, AQShning yadro arsenali modernizatsiya qilinganini eslatdi. Trump yana bir bor Rossiyani "qog'oz yo'lbars" deb atadi va Putindan ko'ngli qolganini qo'shimcha qildi. Sababi, Qo'shma Shtatlar rahbari Ukraynadagi urush tezda tugashiga umid qilgan.
Trump ma'muriyatining harakatlariga qaramay, G'azoda ham, Ukraineda ham tinchlikka erishish qiyin bo'layotganini tan oldi. Shuningdek, u HAMAS AQSh tomonidan taklif etilgan kelishuvni qabul qilishi lozimligini aytdi.
"HAMAS tinchlik kelishuviga rozi bo'lishi shart. Agar ular kelishuvni qabul qilmasa, juda qiyin bo'ladi", — degan Trump.
Donald Trump va mudofaa vaziri Pit Hegset armiya generallariga urushga tayyor turishi kerakligini ta'kidladi. Bundan tashqari, Amerika prezidenti Tinchlik uchun Nobel mukofotiga loiq ekanini qayd etdi.
