Yaponiyaning Aichi prefekturasiqa qarashli Toyoake shahrida mahalliy hokimiyat aholiga kunlik shaxsiy smartfondan foydalanish vaqtini 2 soat bilan cheklashni tavsiya etdi.
"South China Morning Post"ning yozishicha, bu qoida 2025-yil 1-oktyabrdan kuchga kirgan bo‘lib, majburiy emas, balki tavsiyaviy fe'l-atvorga ega.
Hujjatda ayniqsa bolalar va o‘smirlar uchun vaqt cheklovlariga urg‘u berilgan: boshlang‘ich sinf o‘quvchilariga soat 21:00 dan keyin, yuqori sinflarga esa 22:00 dan keyin telefondan foydalanmaslik tavsiya etiladi.
Shahar meri Masafumi Koki bu tashabbus aholini nazorat qilish emas, balki sog‘lom va foydali odatlarni shakllantirishga qaratilganligini ta'kidladi. Unga ko‘ra, ushbu tavsiya fuqarolarning uyqu sifatini oshirish va oilaviy aloqalarni mustahkamlashda yordam beradi.
Toyoake kengashi tomonidan 22-sentyabrda tasdiqlangan bu qaror Yaponiya tarixida aholiga umumiy ekran vaqti bo‘yicha berilgan birinchi rasmiy tavsiya hisoblanadi. Shu bilan birga, fuqarolarning turmush tarziga hurmat bilan yondashish va ushbu siyosat bo‘yicha fikr-mulohazalarni tahlii qilish va'da qilingan.
Ma'lumot o‘rnida, 2024-yilida Yaponiyada odamlar o‘rtacha kuniga 1 soat 47 daqiqa telefondan foydalangan — bu dunyo bo‘yicha eng past ko‘rsatkichlardan biridir.
