O‘zbekiston Respublikasi Prezidenti Shavkat Mirziyoyevning Gabala shahriga amaliy tashrifi yakunlandi. Bu haqda prezident matbuot kotibi xabar berdi.
Ma’lum qilinishicha, O‘zbekiston yetakchisi Turkiy davlatlar tashkilotining navbatdagi sammitida ishtirok etib, ko‘p tomonlama hamkorlikni yanada mustahkamlash va kengaytirishga qaratilgan qator muhim tashabbuslarni ilgari surgan.
Tashrif tadbirlari yakunlangach, davlat rahbari Toshkentga jo‘nab ketgan.
Gabala xalqaro aeroportida oliy martabali mehmonni Ozarbayjon Prezidenti Ilhom Aliyev kuzatib qo‘ygan.
