Trump Trumpga ko'ra, endi navbatda Xitoyda AQSh prezidenti Donald Trumpning ma'lum qilishicha, Hindiston Bosh vaziri Narendra Modi unga Rossiyadan neft xarid qilmaslikka va'da bergan. Bu haqda Trump 15 oktyabr kuni Oq uyda jurnalistlar bilan suhbatda aytdi.
“Men Hindistonning Rossiyadan neft olayotganidan norozi edim. Bugun Modi menga buni to'xtatishini tasdiqladi. Bu katta qadam. Endi Xitoyni ham shu ishni qilishga majbur qilamiz”, — dedi Trump.
Avvalroq, Trump Hindistonga 25 foizlik import bojlarini joriy etgan va bunga mamlakatning Rossiya neftini xarid qilishini asos qilib ko'rsatgan edi.
Biroq, “The New York Times” va “Reuters” xabarlariga ko'ra, Hindiston AQSh bosimiga qaramay Rossiyadan neft olishni davom ettirmoqda.
Sentabr oyida BMT sessiyasida Trump Xitoy va Hindistonni Ukrainedagi mojaroning “asosiy homiylari” deb atagan va G7 davlatlarini bu davlatlarga nisbatan 100% gacha boj joriy etishga chaqirgan.
Bu vaziyatga munosabatdan Rossiya prezidenti Vladimir Putin shunday degan: “Agar Hindiston rad etsa, o'zini zararga qo'yadi. Bu 9–10 milliard dollar zarar bo'lishi mumkin. Agar rad etmasa — unga sanktsiya ko'rinishida yuqori boj qo'yiladi.
