21 октябрь куни ўтказилган йиғилишда президент Шавкат Мирзиёев Ўзбекистонда давлат органларининг маълумотларни ўз серверларида сақлаши бундан буён тақиқланишини маълум қилди. Эндиликда барча маълумотлар Электрон ҳукуматнинг ягона дата-марказига ўтказилади. Давлат раҳбарининг таъкидлашича, ҳозирда вазирлик ва идоралар маълумотларни турли форматларда, тарқоқ ҳолда сақламоқда. Бу эса сунъий интеллект тизимларини самарали жорий этишга тўсқинлик қилмоқда. "Маълумот етарли бўлмаса, сунъий интеллект кутилган натижани бермайди", — дейди Шавкат Мирзиёев. Рақамли технологиялар вазирига жорий йил охиригача 55 та идоранинг маълумотлар базасини, 2026 йилга қадар эса қолган барча тизимларни ягона марказга ўтказиш топширилди. Шунингдек, 2026 йил охиригача катта ҳажмдаги рақамли маълумотларни бирлаштириб, уларни таҳлил қилиш ва қайта ишлаш имконини берувчи Data Lake платформаси ишга туширилиши белгиланди. Бу қарор давлат бошқарувида сунъий интеллектдан самарали фойдаланиш, рақамлаштириш жараёнларини тизимли йўлга қўйиш ва маълумот хавфсизлигини таъминлашга хизмат қилиши кутилмоқда.
Jamiyat Bugun 17:22
Poytaxtda o‘tgan oy uy-joy ijara narxi oshdi
Eng yuqori ijarа narxlari Mirobod, Shayxontohur va Yakkasaroy tumanlarida kuzatilgan.
Jamiyat Bugun 13:42
Toshkentda oshxona yonib ketdi
Yong‘inning sabablari yuzasidan surishtiruv ishlari olib borilmoqda.
Jamiyat Bugun 11:11
Qashqadaryoda 5 yoshli qizchani ikki marta sotgan hamshira 2,5 yilga qamaldi
Hamshira birinchi gal qizchani 20 million so‘mga, keyin esa 15 ming dollarga sotishga uringan. U huquq-tartibot idoralari tomonidan qo‘lga olindi.