Davlat xavfsizlik xizmati va huqoqni muhofaza qiluvchi idoralar tomonidan o‘tkazilgan tezkor tadbirlarda yer maydonlarini pul evaziga rasmiylashtirib berishni va’da qilgan shaxslar fosh etildi.
Samarqand viloyatining Oqdaryo tumanidagi fermer xo‘jaligi rahbari 3 gektar yerni issiqxona tashkil etmoqchi bo‘lgan fuqaroga rasmiylashtirib berish evaziga 300 ming AQSh dollarini talab qilgan. U oldindan 20 ming dollar olgan vaqtida ashyoviy dalillar bilan ushlangan.
Qashqadaryo viloyatida esa ikki nafar shaxs davlat zaxirasidan 8 sotix yerni "mansabdor tanishlari orqali" olib berishni va’da qilib, 180 million so‘m talab qilgan. Ular oldindan 10 ming dollar olgan paytda qo‘lga olingan.
Har ikki holat bo‘yicha Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari olib borilmokda.
Rasmiy idoralar fuqarolarni yer maydonlarini qonunga zid ravishda sotib olish yoki sotish holatlaridan tiyilishga chaqirmokda.
