Jizzax viloyatida tuman Favqulodda vaziyatlar bo‘limi boshlig‘i tadbirkordan loyiha hujjatlarini tasdiqlab berish evaziga pora olgani uchun qo‘lga olindi.
Ma’lumotlarga ko‘ra, u avvalroq ko‘p qavatli uy qurilishi bo‘yicha hujjatni tasdiqlab berib, 200 AQSh dollar olgan. Keyinroq tadbirkor maktab qurilishi loyihasi uchun murojaat qilganida, mansabdor bu safar 6 million so‘m talab qilgan.
Davlat xavfsizlik xizmati va Prokuratura organlari tomonidan o‘tkazilgan tezkor tadbirda u pora mablag‘ini turmush o‘rtog‘i orqali olayotgan paytda uslandi.
Hozirda unga nisbatan Jinoyat kodeksining 210-moddasi 2-qismi “a”, “v” bandlari bilan jinoyat ishi qo‘zg‘atilgan. Ushbu moddaga ko‘ra, mansabdor 5 yildan 10 yilgacha ozodlikdan mahrum qilinishi mumkin.
