Google Germaniyada infratuzilma va raqamli rivojlanishga 5,5 milliard yevro ajratishini ma'lum qildi.
Mablag'lar Gessen federal yeridagi Ditsenbach shahrida yangi ma'lumotlar markazi qurilishi, Xanaudagi mavjud markazni kengaytirish hamda Myunxen, Frankfurt va Berlinga ofislarni rivojlantirishga yo'naltiriladi.
Kompaniya vakili Filipp Yustusga ko'ra, ushbu loyiha har yili 9 mingga yaqin yangi ish o'rinlari yaratadi.
Germaniya hukumat vakillari bu tashabbusni mamlakatni Yevropadagi yetakchi ma'lumotlar markaziga aylantirish yo'lidagi muhim qadam sifatida baholadi.
