Vazirlik ma'lumotiga ko'ra, texnik ko'riklar davomida aniqdanadigan kamchiliklar liftning "nosozligi"ni anglatmaydi, balki bu — profilaktik nazorat jarayonining bir qismi.
Hozirda poytaxtdagi 3 245 ta ko'p kvartirali uyda jami 9 144 ta lift mavjud. Ulardan 1 835 tasining ekspluatatsiya muddati tugagan bo'lib, 2025–2028 yillarda bosqichma-bosqich yangilanadi. Joriy yilda 452 ta lift allaqachon yangilangan.
Vazirlik barcha liftlar har yili majburiy texnik ko'rikdan o'tkazilishini va aniqlangan kamchiliklar tezkorlik bilan bartaraf etilishini qo'shimcha qildi.
