Tashkilot ma'lumotida aytilishicha, zo'ravonlik nafaqat hukumat yoki raqib guruhlarga, balki jurnalistlar, inson huquqlari himoyachilari va tadbirkorlarga ham qaratilmog'da. 2020–2022 yillarda 200 nafar jurnalist o'ldirilgan bo'lib, ularning beshdan biri jinoyatchilikni fosh etgani uchun nishonga olingan.
BMTning Giyohvand moddalar va jinoyatchilik bo'yicha boshqarmasi (UNODC) hisobotida ta'kidlanishicha, uyushgan jinoyatchilik hozirgi kunda eng xavfli va tez o'suvchi tahdidlardan biriga aylangan. Globalizatsiya, raqamli texnologiyalar va geosiyosiy beqarorlik tufayli bunday tarmoqlar faoliyatini nazorat qilish tobora qiyinlashmog'da.
UNODC hisob-kitoblariga ko'ra, 2000–2023 yillar davomida uyushgan jinoyatchilik har yili o'rtacha 95 ming odamning hayotiga zomin bo'lgan. Eng ko'p qotilliklar Lotin Amerikasi va Karib havzasida sodir bo'lgan — bu hududda 100 ming aholiga 19,7 ta qotillik to'g'ri kelgan.
Tashkilot jinoyiy guruhlar faoliyati iqtisodiyotga zarar yetkazishi, investitsiya muhitini izdan chiqarishi va inson huquqlarini buzishini ta'kidlagan. Odam savdosi va zo'ravonlik holatlari esa ko'pincha davlat tuzilmalariga bo'lgan ishonchni pasaytiradi.
