Ma'lumotlarga ko'ra, Frantsiya hukumatı tadbirkor Pavel Durovga nisbatan joriy qilingan barcha harakatlanish cheklovlarini 10 noyabr kuni to'liq bekor qilgan.
Manba ta'kidlashicha, Durov sud nazorati talablariga to'liq rioya qilgan va u uch marta so'roq qilingan. Endi u Frantsiyadan erkin chiqib ketishi mumkin hamda mahalliy politsiya bo'limida ro'yxatdan o'tish majburiyatidan ozod etilgan.
Eslatib o'tamiz, Telegram asoschisi o'tgan yil avgust oyida Parij aeroportida hibsga olingan edi. Ushanda unga mamlakatan chiqish taqiqlangan, 2025 yil iyun oyida esa Dubayga borishga ruxsat berilgan.
Durovga Telegram'da kontentni yetarli darajada moderatsiya qilmamaslik va Frantsiya huquqni muhofaza qiluvchi organlari bilan hamkorlikdan bosh tortgani uchun tergov ishi doirasida terrorizm, narkotiklar, firibgarlik va bolalarga qarshi jinoyatlar bilan bog'liq ayblovlar qo'yilgan.
Tadbirkor esa ayblovlarni rad etgan:
"Yirik platforma rahbarining foydalanuvchilar harakati uchun hibsga olinishi huquqiy jihatdan ham bema'nilikdir. Oradan bir yil o'tdi, ammo men yoki Telegram tomonidan biron noto'g'ri ish sodir etilganiga dalil yo'q", — degan u.
Ma'lumot uchun, "Bloomberg" ma'lumotiga ko'ra, Pavel Durovning boyligi 14,7 milliard dollarga yetgan, yil boshidan buyon u yana 3,7 milliard dollarga boyigan. Shu bilan u dunyo milliarderlari ro'yxatida 196-o'rinda turadi.
