DXX Toshkent viloyati boshqarmasi va huquq-tartibot idoralari hamkorligida Toshkent tumanida faoliyat yurituvchi dorixonalardan biriga qarashli omborxonada tezkor tekshiruv o‘tkazildi. Unda 1209 turdagi, umumiy qiymati 38 mlrd so‘mlik dori vositalari mavjudligi aniqlandi.
Tekshiruv natijalariga ko‘ra, taxminan 20 mlrd so‘mlik dori vositalari xalqaro GDP sertifikatiga ega emasligi hamda tegishli litsenziyasiz saqlanayotgani ma’lum bo‘ldi. Shuningdek, 263,9 mln so‘mlik 10 mingdan ortiq quti dorining yaroqlilik muddati o‘tgan, ayrim dorilar va gel vositalarining esa muddati qalbakilashtirilgan.
"Farmatsevtika mahsulotlari xavfsizligi markazi" xulosasiga asosan, aniqlangan dori vositalarini O‘zbekiston hududida saqlash, sotish, tashish va tibbiyot amaliyotida qo‘llash taqiqlangan. Mazkur holat yuzasidan dorixona mansabdor shaxslariga nisbatan Jinoyat kodeksining 186 pirim 3 moddasi 3-qismi "a" bandi bilan jinoyat ishi qo‘zg‘atilib, tergov harakatlari olib borilmogda.
