Oliy Majlis Qonunchilik palatasida ko‘rib chiqilgan qaror loyihasiga ko‘ra, Samarqand shahri hududi kengaytirilib, Samarqand tumani tugatiladi. Mazkur o‘zgarishlar Oqdaryo, Pastdarg‘om, Toyloq tumanlari hamda Samarqand shahri chegaralarini qayta belgilashni ham nazarda tutadi.
Qayd etilishicha, ushbu qaror Samarqandni “millionli shahar”ga aylantirish, zamonaviy turar-joy va noturar binolar qurish, aholini uy-joy bilan to‘liq ta’minlash hamda infratuzilmani rivojlantirishga qaratilgan.
Chegaralar o‘zgartirilishi natijasida Samarqand shahri maydoni 11,8 ming gektardan 28,9 ming gektargacha kengayadi. Bu esa yangi investitsiya va qurilish loyihalarini amalga oshirish, jumladan, turistik majmualar, qonilochar maskanlar, yashil hududlar, xizmat ko‘rsatish ob’yektlari va logistika markazlarini barpo etish uchun imkoniyat yaratadi.
