Oliy darajadagi Strategik hamkorlik kengashining to‘rtinchi yig‘ilishi yakuni bo‘yicha O‘zbekiston Respublikasi Prezidenti Shavkat Mirziyoyev va Turkiya Respublikasi Prezidenti Rajap Tayyip Erdo‘g‘on Qo‘shma bayonot hamda keng qamrovli strategik sheriklik doirasidagi hamkorlik mexanizmlari to‘g‘risidagi qarorni imzoladi.
Shuningdek, ikki davlat o‘rtasida ko‘p qirrali hamkorlikni qamrab olgan ikki tomonlama hujjatlar to‘plami qabul qilindi.
Ular sog‘liqni saqlash, ta’lim va harbiy tibbiyot, iqtisodiy va moliyaviy hamkorlik, konchilik sanoati, xalqaro transport yo‘laklarini rivojlantirish, maxsus iqtisodiy zonalar, yadro xavfsizligi va radiatsion himoya, migratsiya sohalariga oid kelishuvlarni o‘z ichiga oladi.
Bundan tashqari, din ishlari, tashqi ishlar vazirliklari o‘rtasida 2026–2027 yillarga mo‘ljallangan hamkorlik dasturi, madaniyat sohasidagi qo‘shma reja, shuningdek, ta’lim va yengil sanoat yo‘nalishlaridagi bayonnomalar ham imzolandi.
