BBC xabariga ko‘ra, Britaniya pasportiga ega bo‘lgan Jimmey Lay Milliy xavfsizlik to‘g‘risidagi qonun asosida sudlangan eng ko‘zga ko‘ringan shaxslardan biri hisoblanadi. Sud Layning xorijiy kuchlar bilan til birlashtirishga oid harakatlari "puxta rejalashtirilgan" va "oldindan o‘ylab qilingan" bo‘lganini, jinoyatlar esa "nihoyatda og‘ir" toifaga kirishini ta’kidladi.
Sud, shuningdek, 20 yillik qamoq jazosi Lay fitnalarning "asosiy tashabbuskori" va "harakatlantiruvchi kuchi" bo‘lgani sababli og‘irlashtirilganini qayd etdi. Hozirda yopilgan Apple Daily gazetasi asoschisi bo‘lgan Lay unga qo‘yilgan barcha ayblovlarni rad etib keladi.
78 yoshli Layning oilasi uning qamoqdagi sog‘lig‘i yomonlashayotganidan xavotir bildirgan bo‘lsa, Gonkong va Xitoy rasmiylari mahbusning ahvoli yaxshi ekanini va huquqlari to‘liq ta’minlanayotganini ma’lum qilgan.
