16 fevral kuni qabul qilingan 2026 yilgi davlat dasturiga muvofiq, “Fuqarolarning davlat pensiya ta’minoti to‘g‘risida”gi qonunga o‘zgartirish kiritish rejalashtirilgan.
Yangi tartibga ko‘ra, jarima, aliment, kommunal to‘lovlar va boshqa majburiyatlar uchun ushlanmalar amalga oshirilgandan keyin ham pensioner qo‘lida minimal iste’mol xarajatlaridan kam bo‘lmagan mablag‘ qolishi kerak. Hozir bu miqdor 669 ming so‘mni tashkil etadi.
Bundan tashqari, oylik ushlanmalar miqdori pensiyaning 50 foizidan ortiq bo‘lishiga yo‘l qo‘yilmaydi. Mazkur o‘zgartishlarni ishlab chiqish Iqtisodiyot va moliya vazirligi hamda Ijtimoiy himoya milliy agentligi zimmasiga yuklangan.
Shuningdek, dastur doirasida jamg‘arib boriladigan p tizimini isloh qilish rejalashtirilgan. 2026 yil sentyabrigacha fuqarolarga pensiya yoshiga yetganda shaxsiy jamg‘arma hisoblaridan mablag‘ olish imkoniyatini beruvchi hujjat ishlab chiqiladi.
