Jondor tumanida litsenziyasiz faoliyat yuritgan shaxslar fuqarolardan minglab dollar talab qilgani ma’lum bo‘ldi.
Ichki ishlar vazirligi xabar berishicha, Buxoro viloyatining Jondor tumanida yashovchi er-xotin uzoq vaqt davomida firibgarlik bilan shug‘ullanib kelgan. Ular tegishli litsenziyaga ega bo‘lmasdan turib, fuqarolarni Saudiya Arabistoniga Umra ziyoratiga yuborishni va’da qilgan.
Ma’lum qilinishicha, gumonlanuvchilar 4 nafar fuqaroning ishonchiga kirib, har biridan 1025 AQSh dollaridan pul olmoqchi bo‘lgan.
Tezkor tadbir davomida er-xotin jami 4000 AQSh dollarini firibgarlik yo‘li bilan qo‘lga kiritayotgan paytda ashyoviy dalillar bilan ushlangan.
Hozirda ularga nisbatan Jinoyat kodeksining 168-moddasi 3-qismi “v” bandi bilan jinoyat ishi qo‘zg‘atilib, tergov harakatlari olib borilmoqda.
