Toshkent shahar IIBB Yo‘l harakati xavfsizligi boshqarmasi ma’lumotiga ko‘ra, 19 mart kuni soat 09:00 dan 20:00 gacha 500 mingdan ortiq avtomobil poytaxt hududini tark qilgan.
Bu yuqori transport oqimi Ramazon hayiti bayrami va dam olish kunlari munosabati bilan aholining ommaviy ravishda shahardan chiqishi bilan bog‘liq.
Shaharda yo‘l harakati holati Yagona tezkor boshqaruv markazi orqali sutka davomida nazorat qilinmoqda. Videokuzatuv tizimlari yordamida ko‘chalar, asosiy magistrallar va chiqish postlarida vaziyat real vaqt rejimida kuzatib boriladi.
Bayram kunlari ayrim hududlarda qisqa muddatli tirbandliklar kuzatilgan. YXHB xodimlari yo‘l harakati qoidalariga qat’iy rioya qilishni, masofani saqlash va tezlik rejimini buzmaslikni tavsiya qilmoqda.
