AQShning Kolumbiya okrugi sudi Vashingtondagi Kennedy Center nomidan Donald Tramp ismini olib tashlash haqida qaror qabul qildi. Bu haqda Zamon.uz xabar berdi.
Sudya Kristofer Kuper qaroriga ko‘ra, muassasa nomi 14 kun ichida avvalgi holatiga qaytarilishi kerak. Shuningdek, Tramp nomi binoning fasadi, raqamli tizimlar va rasmiy materiallardan ham olib tashlanadi.
Qarorda ta’kidlanishicha, muassasa nomi Kongress tomonidan belgilangan bo‘lib, uni o‘zgartirish vakolati faqat Kongressga tegishli.
Shu bilan birga, sud markazni 2026 yil 4 iyuldan boshlab rekonstruksiya uchun yopish haqidagi qarorni ham to‘xtatdi.
Avvalroq Tramp 2025 yilda markaz boshqaruviga o‘zgarishlar kiritib, nomni o‘zgartirish tashabbusini ilgari surgan edi. Biroq ushbu qarorlar keyinchalik sudda qonunga zid deb topildi.
Muassasa boshqaruvi qaror ustidan apellyatsiya berishini ma’lum qildi.
