АҚШнинг Колумбия округи суди Вашингтондаги Kennedy Center номидан Дональд Трамп исмини олиб ташлаш ҳақида қарор қабул қилди. Бу ҳақда Zamon.uz хабар берди.
Судья Кристофер Купер қарорига кўра, муассаса номи 14 кун ичида аввалги ҳолатига қайтарилиши керак. Шунингдек, Трамп номи бинoнинг фасади, рақамли тизимлар ва расмий материаллардан ҳам олиб ташланади.
Қарорда таъкидланишича, муассаса номи Конгресс томонидан белгиланган бўлиб, уни ўзгартириш ваколати фақат Конгрессга тегишли.
Шу билан бирга, суд марказни 2026 йил 4 июлдан бошлаб реконструкция учун ёпиш ҳақидаги қарорни ҳам тўхтатди.
Аввалроқ Трамп 2025 йилда марказ бошқарувига ўзгаришлар киритиб, номни ўзгартириш ташаббусини илгари сурган эди. Бироқ ушбу қарорлар кейинчалик судда қонунга зид деб топилди.
Муассаса бошқаруви қарор устидан апелляция беришини маълум қилди.
