Uzoq kutlgan qadam: O‘zbekiston moliya bozoriga islomiy moliyalashtirish tizimi kirib kelmoqda. Bu haqda Prezident raisligida o‘tkazilgan yig‘ilishda ma’lum qilindi. Tizimning to‘laqonli ishga tushishi iqtisodiyotimizga qo‘shimcha 1 milliard dollar sarmoya va depozitlarni jalb qilishi kutilmogda.
Yangi tizim o‘zi bilan qanday o‘zgarishlar olib keladi?
Yangi xizmatlar: Investitsion omonatlar (muzoraba), nasiyaga sotish (murobaha), sherikchilik (mushoraka) va islomiy ijara kabi halol xizmat turlari yo‘lga qo‘yiladi.
Soliq imtiyozlari: Nasiyaga sotilgan tovar ustamasiga QQS hisoblanmaydi,investision omonatdan olingan daromad esa soliqdan ozod qilinadi.
Ishonchli nazorat: Markaziy bank va tegishli litsenziya olgan banklar qoshida maxsus Islomiy moliya kengashlari tashkil etiladi. Ushbu kengashlar standartlarishlab chiqish, me’yoriy-huquqiy hujjatlar loyihalarini tayyorlashda ko‘maklashish, bahsli masalalarga izoh berish, shartnomalar va ichki hujjatlarni ko‘rib chiqish, muvofiqlik ustidan nazoratni ta’minlash bilan shug‘ullanadi.
Joriy yilda kamida bitta tijorat bankida islomiy «darcha» faoliyatini yo‘lga qo‘yish, 2026-2030 yillarda esa to‘liq islomiy bank faoliyatini amalga oshiruvchiikkita bank tashkil etish rejalashtirilgan.
Islomiy moliyaning qonunan ishlab ketishi tadbirkorlar va aholi uchun halol hamda muqobil sarmoya kirish imkoniyatlarini kengaytiradi. Ushbu yangi tizim mamlakat moliya bozorini yanada raqobatbardosh va xorijiy investorlar uchun jozibador qilishi shubhasiz.
