Fors ko‘rfazi hududida AQSh va Eron o‘rtasida dron va raketa zarbalari almashinuvi kuzatildi. Bu holat mintaqadagi keskinlikni yanada kuchaytirgan navbatdagi voqea sifatida baholanmoqda. Bu haqda BBC xabar berdi.
AQSh Markaziy qo‘mondonligi (CENTCOM) ma’lum qilishicha, AQSh harbiylari Hormuz bo‘g‘oziga uchirilgan Eronning to‘rtta bir yo‘nalishli hujum dronini urib tushirgan. Shuningdek, Goruk va Qeshm orollarida joylashgan Eron qirg‘oq kuzatuv radaр stansiyalariga zarba berilgani bildirildi.
Eron tomoni esa Quvaytdagi ikki AQSh harbiy-havo bazasi va Bahrayndagi AQSh dengiz kuchlari obyektlariga ballistik raketalar uchirganini ma’lum qildi. CENTCOMga ko‘ra, yetti raketadan oltitasi to‘sib qolingan, bittasi esa nishonga yetib bormagan.
Mahalliy rasmiylar Quvayt xalqaro aeroportiga uyushtirilgan dron hujumi oqibatida bir kishi halok bo‘lgani va 60 dan ortiq kishi jarohat olganini bildirdi. Eron Islom inqilobi qo‘riqchilari korpusi (IRGC) esa ushbu hujumga aloqadorlikni rad etdi.
CENTCOM esa Eronning da’volarini rad etib, aeroportga qilingan zarbani “ataylab va hisoblangan hujum” deb atadi.
