Kipr mezbonlik qilayotgan FIDE Candidates Tournament 2026ning 7-turida o‘zbekistonlik shaxmatchi niderlandiyalik Anish Giri bilan durang qayd etdi. Ushbu natija Sindorovga 6 ochko bilan turnir jadvalidida yetakchilikni saqlab qolish imkonini berdi.
Nomzodlar turnirida ilk bor qatnashayotgan Sindorov musobaqani hozircha mag‘lubiyatsiz davom ettirmoqda. U avvalgi turlarda Andrey Esipenko, R Praggnanandhaa, Fabiano Caruana, Hikaru Nakamura va Wei Yi ustidan g‘alaba qozongan. Faqat Matthias Bluebaum hamda Giri bilan o‘yinlar durang bilan yakunlandi.
15 aprelgacha davom etadigan turnir g‘olibi amaldagi jahon chempioni Gukesh Dommarajuga qarshi jahon chempionligi uchun bahs olib borish huquqini qo‘lga kiritadi. 500 ming AQSh dollari mukofot jamg‘armasiga ega musobaqaning ikkinchi davrasi 7 aprel kuni start oladi.
