Suv xo‘jaligi tizimida 301 nafar xodim 243 ta korrupsiyaviy jinoyat sodir etgani aniqlandi.
2024–2025 yillar hamda 2026 yilning o‘tgan davrida Suv xo‘jaligi vazirligi tizimida 301 nafar xodim tomonidan 243 ta korrupsiyaviy jinoyat sodir etilgan. Oqibatda davlat va jamiyat manfaatlariga 70 milliard so‘mdan ortiq zarar yetkazilgan.
Bu haqda Suv xo‘jaligi vazirligida o‘tkazilgan Korrupsiyaga qarshi kurashish milliy kengashining sayyor majlisida ma’lum qilindi.
Muhokamalarda byudjet mablag‘larini talon-toroj qilish, suv tejovchi texnologiyalar uchun ajratilgan subsidiyalardan noqonuniy foydalanish, suv fondi yerlarini boshqarishdagi qonunbuzarliklar, raqamlashtirish ishlarining sustligi hamda manfaatlar to‘qnashuvi bilan bog‘liq holatlar tanqidiy ko‘rib chiqildi.
Shuningdek, o‘rnatilgan "Aqlli suv" qurilmalarining katta qismi hanuzgacha to‘liq samarali ishlamayotgani qayd etildi.
